तू तिथे खिडकीतुन चंद्र बघशील
तेव्हा माझ्या मिटलेल्या डोळ्यांत असशील ;
चंद्रबिंद्र रोमांटिक नॉन सेंस सगळ ,
तरी माझ्या मिटलेल्या डोळ्यांत असशील ;
चंद्र नसतो कोणाच्याही बापाच्या मालकीचा,
'त्याच्या'सकट तू माझ्या डोळ्यांत असशील ;
मनापासून जगायला धैर्य लागतं ,
नक्की सांगतो , खिडकीतुन चंद्र बघशील;
जगण्याच्या नावाखाली मरणार्यना मरू दे ,
तू मात्र डोळे भरून चंद्र बघशील ;
डोळे मिटले , झोपेत नव्हे , अगदी खरं ,
माझ्यावर विश्वास ठेवून चंद्र बघशील !
No comments:
Post a Comment